Os veciños e veciñas de Tordoia teñen acceso a unha nova actividade programada pola Mancomunidade de Ordes denominada “Apoio para as competencias dixitais. Unha aproximación ás novas tecnoloxías”. Este curso xa foi impartido o ano pasado, con gran demanda de persoas interesadas.
O contido do curso serán nocións básicas sobre o manexo das novas tecnoloxías a través dun ordenador, tableta ou teléfono móbil, manexo do correo electrónico, realización de trámites a través de internet, búsqueda de emprego a través dos portais de emprego, etc.
O curso vai dirixido a todas as persoas interesadas da Mancomunidade de Municipios da Comarca de Ordes, consta de 30 prazas e aqueles que o desexen poderán inscribirse os días 28, 29, 30 e 31 de Outubro no Concello de Ordes e Mancomunidade de Municipios da Comarca de Ordes.
As clases impartiranse na aula de informática da casa da cultura do concello de Ordes, todos os xoves de novembro a maio.
